Nota de edición: Esta asociación estaba localizada anteriormente na Coruña e cambiou a seu enderezo a Bergondo

__

  ACOUGA, Asociación Galega de Consumidores e Usuarios, dende febreiro de 2014. 

  Unha entidade que nace para representar os intereses dos consumidores e usuarios galegos. Consciente de que os principais problemas de consumo, dende unha perspectiva político-social, abrollan non só no eido bancario financeiro, senón tamén nos sectores asegurador, enerxético e das telecomunicacións, ámbitos nos que os consumidores e usuarios viven desprotexidos, por se tratar de sectores regulados nos que os operadores empresariais tentan actuar dando as custas á regulación vixente e ignorando os dereitos dos usuarios, a nosa asociación, ACOUGA, terá por obxectivo defender e representar os intereses dos nosos cidadáns.

  ACOUGA nace dende a pluralidade, a transversalidade social e o apartidismo, máis nunca dende un apoliticismo cómplice. Porque só unha cidadanía consciente constitúe unha poboación formada nos seus dereitos como consumidores e usuarios. Porque, para sermos consumidores e usuari@s galegos temos que ser, por riba de todo, cidadáns e cidadás de este país.

  Porén, dende a definición desta opción cívica, tentaremos ofrecer a meirande calidade técnica na nosa provisión de servizos, nas nosas análises e nas nosas propostas as Administracións Públicas e á sociedade civil. Cos compromisos de defender os intereses dos consumidores e usuarios galegos.

  Web: http://acouga.net