Illusions Works comprácese en presentar a oitava edición do Galicia Magic Fest, un evento cultural de gran relevancia en Galicia que reunirá a miles de familias durante o nadal de 2024-2025. O Galicia Magic Fest é un festival internacional de ilusionismo de 75 minutos que se celebra anualmente en diferentes cidades de Galicia polo Nadal. Este ano, a oitava edición do festival, desenvolverase do 21 de decembro de 2024 ao 4 de xaneiro de 2025 nos mellores teatros de oito cidades galegas: A Coruña, Ourense, Pontevedra, Lugo, Santiago de Compostela, Vigo, Cangas e Ferrol.
O festival contará coa participación dalgúns dos mellores meigos do mundo, ofrecendo espectáculos cheos de maxia, impacto e sorpresas para toda a familia. Nesta edición amplíase Galicia Magic Fest de 14 galas internacionais a 21 e de seis cidades a 8 converténdose nun dos festivais en xira máis importantes de España e o máis consolidado de Galicia. Ademais de apostar por traer á nosa comunidade a estrelas da maxia a nivel mundial destacando actos que triunfan en America Got Talent ou premios internacionais moi importantes como os FISM AWARDS.
