Gaetano Donizetti (Lombardia, 1797 – Bergamo 1848) sumou máis de 70 óperas ao longo da súa carreira musical sendo "L’elisir d’amore" coa que tivo maior recoñecemento. Composta en poucas semanas foi moi ben recibida en toda Europa. Desde a súa estrea situou a Donizetti como un dos compositores italianos máis queridos.
O libreto cómico asinado por Felice Romani impulsou ao artista para crear unha música que sobre todo aspiraba a chegar ao público, levándolle de viaxe desde a butaca e contándolle a través de grandes voces a viaxe polo amor. No intrincado tecido da ópera, atopamos unha sinfonía de emocións entrelazadas coas complexidades das relacións e a comunicación humana. Esta non é simplemente unha historia de amor, senón un poético reflexo das barreiras que nos separan e únennos na nosa procura de lazos. A través da dualidade de Nemorino e Adina, a ópera lévanos a explorar as sombras de nosa propia incomprensión.
