Verán de 1936. As Olimpíadas en Berlín anúncianse para o primeiro día de agosto. As olimpíadas populares en Barcelona, para o 19 de Xullo. Conta a lenda que Joseph Goebbels, ministro de propaganda de Hitler, decide que a música oficial das olimpíadas do terceiro Reich sexa a Novena sinfonía de Ludwig Van Beethoven e o seu "Himno á alegría". Pero Pau Casals, que é o comisario cultural das Olimpíadas Populares en Barcelona, representantes do mundo democrático, monta en cólera e decide que de ningún modo Beethoven será secuestrado polos nazis. A partir dese momento o "Himno á alegría" cantarase na inauguración das Olimpíadas Populares no estadio de Montjuic.
Poucos días antes da inauguración, o xeneral Mola, "o director" do inminente golpe de estado, cursa un telegrama cifrado aos militares que se sublevarán contra a segunda República. O contido en clave di así: "O pasado día 15, ás catro da mañá, Elena deu a luz un fermoso neno". A mensaxe indicaba que a rebelión militar empezaría o 18 de xullo ás cinco da mañá.
Era o principio dun dos episodios máis terribles da historia do noso país.
Con Antonio Durán "Morris", Alba Flores, Natalia Hernández, María Morales, Paco Ochoa, Blanca Portillo, Guillermo Toledo, Juan Vinuesa e o Coro de Jóvenes de Madrid.
Dramaturxia: Albert Boronat e Andrés Lima
Dirección: Andrés Lima
Producción do Centro Dramático Nacional, Check in Producciones e El Terrat coa colaboración de Asuntos Culturales, Teatre L`Artesà e Teatro de La Abadía.
